Со цел пораката „НЕ за насилството во училиштето“ да допре до што поголем број на ученици, самостојниот инспектор за превенција при полициската станица Кавадарци, Димитар Каракулев на 01.04.2019 година (понеделник) одржа уште една трибина на тема „Спречување на насилство во училиштата“. Трибината се одржа во кино салата на СОУ Гимназија „Добри Даскалов“ Кавадарци, а присуствуваа ученици од сите генерации. На трибината учениците добија сознанија што се претставува насилно однесување во училиштата, како да се превенира насилното однесување и кои се последиците од ваквата ситуација. Трибините се организирани во рамките на проектот „ Имплементација на Конвенцијата за детски права“ во компонентата „Имплементирање на индексот за детски права“ на Коалиција СЕГА, а во кој нашето училиште учествува од 2011 година.

57044190 832420230452922 2837972363218255872 n

56980702 433690940538665 4128975962584907776 n

56994130 344476129541466 5049905040626548736 n