СОУ Гимназија „Добри Даскалов“ Кавадарци

На ден 17ти Ноември се одржа Државен натпревар за средни училишта по пинг-понг во Прилеп.На натпреварот земаа учество 30 машки и 15 женски.

Гимназијата „Добри Даскалов“ под менсторство на проф. Блажо Велков зема свое учество. Во натпреварот учествуваа ученици од прва година-Александар Стојанов и Мартин Гогов и од втора година-Ненад Петрески и Добринка Сотирова.

Ученичката од втора година Добринка Сотирова се закити со сребрен медал, играјќи во финалето се пласира на второто место. Добринка Сотирова е член на пингпонгарскиот клуб „Градба Промет“- Кавадарци и има учествувано на државни и балкански првенства, претставувајќи ја Репрезентацијата на Македонија и освоено многу награди на државни првенства и меѓународни турнири.

Со положување на цвеќе пред бистата на патронот Добри Даскалов и свеченост во фоајето на Гимназијата се одбележа патрониот празник на училиштето. На почеток присутните гости ги поздрави директорката на Гимназијата г-ѓа Невенка Поп-Ангелова која зборуваше за делото на патронот, за неговите познати мисли кои и денес претставуваат инспирација и мотивација за вработените и учениците, да се биде подготвен , да се постигнуваат нови применливи знаења, иновативност, квалитет на целокупниот образовен процес. Таа со особена гордост ги истакна успесите на учениците и нивните ментори во минатата учебна година.

Учениците од средното училиште СОУ Гимназија „Добри Даскалов“- Кавадарци од паралелките III 6 и III 7, економско – правна и трговска струка, кои ги изучуваат предметите Економска Географија од проф. Фердинанд Чејков и Економија од проф. м- р Жанета Делова имаа можност да го посетат Музејот на вкусовите и мирисите во Кавадарци.

Овој Музеј на вкусовите и мирисите претставува посебна атракција во градот и е единствен Музеј од ваков вид во регионот. Во него има изложено 500 експонати, садови и алат кој се користел за подготовка на храната и виното во регионот од неолитот до денес.

Во саботата (18.11.2017) во Неготино во ООУ “Гоце Делчев”се одржа Регионалниот натпревар во спелување за учениците од втора година средно и седмооделенците од основно училиште во организација на Здружението на професори по француски јазик.

Нашето училиште успешно го претставија ученичките Марина Велковиќ од II 1 и Бранкица Несторовска од II 7 под менторство на проф.Светлана Несторова-Мицев и се пласираа на Државниот натпревар што ќе се одржи на Филолошки факултет во Скопје на 02.12.2017.

                                                                                  С.Несторова-Мицев