En ce temps d’un developpement technologique très rapide,la globalisation,la révolution numérique et les reformes dans l’enseignement que nous acceptons d’esprit ouvert comme un challenge, nous essayons de tenir le pas et d’être un etablissement très impliqué dans l’accompagnement des élèves vers l’acquisition de savoirs,de connaissances et de compétences solides. Pour atteindre ces objectifs et accomplir notre mission nous utilisons tous les resources et potentiels de nos enseignants et tout cadre travillant dans notre établissement en employant des méthodes innovantes proches de la nouvelle génération.
На ден 06.12.2017 год.(среда) во кино-салата во гимназија„Добри Даскалов“ се одржа презентација на колекција од пеперутки и молци од ученикот Слободан Јовановиќ. Ученикот освои прва награда на натпреварот„Ноември-месец на науката“, на Природно-математичкиот факултет во Скопје.
Презентацијата опфати истражувачки карактеристики на голем број примероци кои се дел од неговата богата колекција од сите континенти на Земјата.
Ученикот детално ја објасни анатомската градба,физиологијата, начинот на исхрана, размножувањето, метаморфозата на пеперутките и нивниот краток век на живеење.
Презентацијата со внимание ја следеа ученици од I, II и III година.На поставените прашања Слободан даде сигурни и опширни одговори, а тоа е знак дека со голема љубов и ентузијазам овој ученик го направил своето истражување.
Ова треба да биде пример и мотивација за сите ученици дека љубовта, упорноста, интересот, работата и желбата секогаш се проследени со успех.
Сите кои сакаат да дознаат нешто повеќе за ова интересно хоби на Слободан, но и за симболиката на пеперутките можат да го погледнат видеото„Сторија за пеперутките“ на веб страната на училиштето.Видеото го изработија учениците од четврта година: Пепита Манџикоска, Тодор Димов, Драган Гогов и Ангела Китанова.
Од 29 ноември до 3 декември 2017 година во Банско, Р.Бугарија се одржа XXII меѓународен фестивал Утринска ѕвезда. Учениците од гимназијата "Добри Даскалов" Кавадарци настапија со театарската претстава "Бегалка" под менторство на професорите Гордана Еленова и Кочо Кочов и театарската претстава "Сон на летната ноќ" под менторство на професорката Катица Манева и двете за наша особена радост и гордост освоија II место. Ова е уште еден голем успех на кавадаречките гимназијалци кои години наназад ги освојуваат најпрестижните награди на меѓународни натпревари и фестивали.
Проектите, иновативноста и креативноста се постојан дел од работата на СОУ Гимназија „Добри Даскалов“. Секоја генерација ученици носи таленти од различни области, кои со помош на нивните ментори излегуваат пред очите на јавноста. На нивните успеси горди се професорите, учениците и родителите.
На 25 и 26 ноември во Скопје се одржа натпреварот „Ноември-месец на науката“.Ученици од нашето училиште со своите ментори, професорите по биологија и хемија , Елизабета Иговска, Богде Коцева, Магдалена Убавкова и Даница Пецова зедоа учество и се вратија со награди и признанија. Во просториите на хемискиот факултет младите гимназијалци активно се вклучија во сите активности и покажаа најдобри резултати.
На ден 17ти Ноември се одржа Државен натпревар за средни училишта по пинг-понг во Прилеп.На натпреварот земаа учество 30 машки и 15 женски.
Гимназијата „Добри Даскалов“ под менсторство на проф. Блажо Велков зема свое учество. Во натпреварот учествуваа ученици од прва година-Александар Стојанов и Мартин Гогов и од втора година-Ненад Петрески и Добринка Сотирова.
Ученичката од втора година Добринка Сотирова се закити со сребрен медал, играјќи во финалето се пласира на второто место. Добринка Сотирова е член на пингпонгарскиот клуб „Градба Промет“- Кавадарци и има учествувано на државни и балкански првенства, претставувајќи ја Репрезентацијата на Македонија и освоено многу награди на државни првенства и меѓународни турнири.
