Во периодот од 10. декември до 13. декември 2024 год. Гимназијата „Добри Даскалов“ Кавадарци ја посетија ученици од Гимназијата „Курт Николин“ од Финспанг, Шведска. Активностите почнаа со презентирање на презентации за двете училишта и говор за добредојде на Директорот на Гимназијата м-р Зоран Милевски.
Потоа заедничките активности продолжија со посета на Музејот на мирис и вкус и Вински музеј во Кавадарци. Во музејот на мирис и вкус професори и ученици од основното музичко училиште во соработка со гимназијата имаше подготвено музички точки. Во заедничките активности учествуваа и ученици од нашето училиште.
Во рамките на проектот за размена на ученици, учениците од двете училишта го посетија и истражија ХЕЦ „ТИКВЕШ“, за што изработија и видео-презентации. Овие продукти од имплементацијата на проектните активности беа презентирани на завршен настан во Гимназијата „Добри Даскалов“ Кавадарци при што беа претставени пред учениците и професорите од нашето училиште.
Оваа средба е само дел од долгогодишната соработка помеѓу двете училишта која ќе продолжи и понатаму во иднина.