Гимназијалците несомнено помеѓу најдобрите на државниот натпревар по германски јазик

На 28 март 2025 година (петок) во просториите на СОУ „Јане Сандански“ во Струмица се одржа државниот натпревар по германски јазик во организација на Здружението на професори по германски јазик на Македонија. Од нашата гимназија учество  зедоа 4 ученици: Трајче Талев од I-2 клас, Блаже Крстев од I-4 клас, Гордана Клинчарова од III-4 клас и Јана Димкова од  III-5 клас под менторство на професорката Васка Таневска. Учениците покажаа дека во кавадаречката Гимназија се негува германскиот јазик и истиот се изучува со голема љубов и посветеност.

Нашите ученици Трајче Талев во категоријата на прва година ја освои првата награда, а Блаже Крстев зеде успешно учество. Во категоријата на трета година Јана Димкова ја освои првата награда, а Гордана Клинчарова ја освои втората награда. Големи честитки до учениците и менторот и им посакуваме успеси и понатаму.