Образовна манифестација „Образовно рандеву 2016”

Објавено на: 14.12.2016

Во СОУ Гимназија „Добри Даскалов” – Кавадарци, од 1 февруари 2006 година официјално почна дa функционира младинската организација „Млади лидери“, чиј ментор е Лоска Давчева, професор по економски предмети. Целта на младинските организации, формирани во средните стручни училишта, под покровителство на СЕА, УСАИД и Министерството за образование и наука, е јакнење на лидерските способности на учениците, развивање на нивните организациски и комуникациски вештини. Според тоа, и младинската организација при Гимназијата работи на развивање и остварување на оваа цел.

Оваа година е јубилејна година за ЛМО „Млади лидери“: 10 години од постоењето на оваа организација, чија цел е јакнење на капацитетите на учениците од економско-правна и трговската струка, со профилите економски техничар и правен техничар, нивно подготовување за лидерство, нивен личен напредок и поголем успех во кариерата.

Младинската организација „Млади лидери“ го промовира училиштето, како во регионот, така и на државно ниво. Таква промоција беше направена и преку учество на образовната манифестацијата „Образовно рандеву 2016”, што се одржа во СЕТУГС „Михајло Пупин” – Скопје во периодот од 22 април 2016 година до 23 април 2016 година. Инаку, секоја година нашето училиште активно зема учество во оваа манифестација и освојува награди во одделни категории.

„Образовно рандеву” е образовна манифестација со натпреварувачки карактер, организирана од МАССУМ (Младинска асоцијација на средни стручни училипта), Министерството за образование и наука, и USAID, наменета за учениците од средните стручни училишта во Република Македонија. СОУ Гимназија „Добри Даскалов” – Кавадарци, преку економско-правна и трговската струка, учествуваше на „Образовно рандеву 2016” со вкупно 55 ученици и 10 наставници-ментори: Давчева Лоска, Иванова Душанка, Станоевска Љубица, Прокопов Костадин, Петкова Васка, Лазова Благородна, Велков Блаже, Клинчаров Блашко, Ризова Јасминка и Коцева Богде, во следните категории: интервју за работа, јавно говорење, маркетинг план, најдобра WEB страна на училиште, модна ревија, најдобра драмска претстава, најдобра поетска творба, пинг-понг, баскет, најдобра видео реклама, најдобра фотографија и најдобар филм.

Учениците се закитија со награди и тоа: во категоријата „Најдобар пинг-понгар”, ученичката Јованова Марија, чиј ментор беше професорот по спорт и спортски активности, Велков Блаже, освои прво место.

Во категоријата „Најдобра WEB страна на училиште”, учениците Петровски Душко, Милков Петар, Маринковиќ Александар и Јосифовски Иван, под менторство на професорката по информатика, Лазова Благородна, освоија трето место за најдобра WEB страна на училиште.

Во контекст на напишаното погоре, да се потсетиме на мисијата, визијата и слоганот на ЛМО „Млади лидери” при СОУ Гимназија „Добри Даскалов” – Кавадарци:

Мисија: „Млади лидери“ е динамична младинска организација која ќе го подобри животот на младите, преку подготовки за лидерство, нивен личен напредок и поголем успех во кариерата.

Слоган: „Мисли, твори, креирај – води !“

Визија: За да бидеш лидер треба секогаш критички да размислуваш и тоа треба да те води кон творење, создавање на нешто што можеш да го правиш, да умееш да ги изразуваш со твое творење и индивидуалните способности и афинитети, и сето тоа е основа да ги видиш и другите личности во иднината и да допринесеш да ја промениш положбата во која се наоѓаш, а со тоа ќе допринесеш за подобрување на животот на младите. Сето тоа води  кон успех во кариерата на секој поединец.

„Знаењето е светлост која го осветлува нашиот пат низ животот и нè води во светот на иднината, исполнет со вечна слава.” (Олимпијада Пупин, мајка на Михајло Пупин)

Прилогот го подготви,

Лоска Давчева, професор по економски предмети