На конкурсот објавен од Народна банка на Република Македонија, Министерството за финансии и Агенцијата за супервизија на осигурување, по повод Светскиот ден на штедењето – 31 Октомври, учество од СОУ Гимназија „Добри Даскалов” – Кавадарци зеде ученичката Мартина Нанева од II–6 клас, економско-правна и трговска струка, профил: економски техничар, под менторство на професорката по економски предмети, Лоска Давчева.
Од пријавени вкупно 780 литературни и ликовни творби (од кои 310 литературни) на теми: „И јас умеам да штедам” и „Што значи за мене осигурувањето на домот и семејството”, наградени се 24. Литературната творба – песна на ученичката Мартина Нанева беше наградена во категоријата „Што значи за мене осигурувањето на домот и семејството”, за што ученичката доби диплома и парична награда – штеден влог од 3.000 денари во која било банка во Република Македонија.
Целта на конкурсот беше да се поттикне финансиска култура кај учениците уште од најрана возраст, со цел да се развие интересот за штедење и осигурување, како основни услови за стабилен долгорочен развој на финансискиот ситем на државата. На манифестацијата на доделување на дипломите, што се одржа на 06.11.2017 година во Министерството за финансии, говор одржаа Гувернерот на Народна банка, Димитар Богов, Министерот за финансии, Драган Тевдовски и Претседателот на Советот на експерти, Климе Попоски.
Прилогот го подготви:
Лоска Давчева, професор по економски предмети
