По иницијатива на Ученичкиот парламент на СОУ Гимназија„ Добри Даскалов“, во месецот на пролетта и екологијата на 28 март 2025 година се реализира активноста „Еколошки предизвик“. Активноста беше реализирана во училишниот двор од страна на членови на Ученичкиот парламент, поддржани од директорот М-р Зоран Милевски, наставниците и стручната служба во училиштето.
Целта на активноста беше подигање на еколошката свест кај учениците и промоција на заштитата и унапредување на животната средина. Акцијата беше реализирана во училишниот двор најпрво со засадување на 18 садници, а потоа учениците добија ливче со еколошки предизвик преку чие реализирање ќе придонесат до чиста животна средина.
Со оваа активност Ученичкиот парламент изрази надеж дека промовирањето на еколошко прифатливо однесување ќе придонесе до формирањето навики за создавање и заштита на квалитетна животна средина.
