Во рамките на едукативната активност „Имам став“, ученици од СОУ Гимназија „Добри Даскалов“ учествуваа во симулација на постапка за донесување закон во Собранието на Република Северна Македонија. Активноста имаше за цел да ги запознае учениците со функционирањето на законодавната власт, демократските процеси и начинот на донесување закони.
За време на симулацијата, учениците имаа можност да се постават во улога на пратеници, да дискутираат за предложени законски решенија, да аргументираат свои ставови и да учествуваат во дебата.
Учениците покажаа високо ниво на интерес, активно учествуваа во дискусиите и демонстрираа критичко размислување и способност за аргументирање на своите ставови. Ваквиот тип на активности придонесува за развој на граѓанската свест кај младите, како и за подобро разбирање на демократските процеси и институции во државата.
Учеството во оваа симулација претставува значајно искуство за учениците, бидејќи им овозможува практично да се запознаат со улогата и значењето на законодавната власт во едно демократско општество.
