На 28 март 2026 год. се одржа XXXVII Државен натпревар по информатика во организација на Здружението на информатичари на Македонија. Истиот се реализира на Факултетот за информатички науки и компјутерско инженерство – ФИНКИ во Скопје.
Програмирањето е важен дел од креирањето на критичкото размислување за секој ученик и развивање на идеја, постапка, односно алгоритам за решавање на одредена зададена задача. Затоа Гимназијата „Добри Даскалов“ секоја година учествува со свои ученици на натпреварите по информатика МЕНДО – од областа на програмирањето, во организација на Здружението на информатичари на Македонија – ЗИМ.
И оваа година учениците во гимназијата покажаа огромен интерес за учество во натпреварите за програмирање. Според успесите од училишниот и регионалниот натпревар, на Државен натпревар беа поканети учениците Aндон Крстев oд I-3 клас и Александар Бадев од III-4 клас, под менторство на проф. по информатика Благородна Лазова и Филип Милков од II-4 клас, под менторство на проф. по информатика Наталија Камчева.Учениците се стекнаа со пофалница за учество на државниот натпревар.
