Посета на DMM Draexlmaier Кавадарци

Објавено на: 12.11.2018

Учениците од IV-6 од струка економски техничар кои го изучуваат предметот Менаџмент и дел од учениците од IV-7 од струка правен техничар кои го изучуваат предметот Организација и Практична настава, заедно со проф. м-р Жанета Делова, проф. Татјана Ралевска и проф. Слободанка Станоева на ден 26.10.2018 год. Петок ја посетија компанијата Draexlmaier Кавадарци.

Учениците беа запознаени со почетоците на компанијата. Станува збор за семејна компанија Draexlmaier Group, основана во далечната 1958 год. со главно седиште во Германија и со околу 70.000 вработени низ целиот свет, и тоа во Америка, Азија, Европа и Африка. Снабдуваат топ 100 автомобилски добавувачи меѓу кои се вбројуваат Audi, BMW, Bugatti, Cadillac, Jaguar, Lamborghini, Land Rover, Maserati, Mercedes-Benz, MINI, Porsche и Volkswagen.

Во Кавадарци започнува со работа во 2012 год. и во моментот има повеќе од 5.000 вработени, кои рачно изработуваат ентериер, кабелски сетови, електрични компоненти и сл. за автомобилската индустрија изработени по барање на клиентот. Денес компанијата Draexlmaier во Кавадарци е еден од најголемите работодавачи во земјата. Вработените имааат еднакви услови и исти стандарди како во Кавадарци, така и во светот.