На 24 септември 2025 година, во организација на Црвен крст на Република Северна Македонија (ЦКРСМ) во нашето училиште СОУ Гимназија „ Добри Даскалов“ Кавадарци се одржа крводарителска акција која уште еднаш потврди дека хуманоста е највисоката човечка вредност.
Ученици, наставници и вработени со големо срце се приклучија на оваа благородна мисија, дарувајќи крв и на тој начин придонесоа да се спасат животи. За дел од нив ова беше прво искуство, а за другите – продолжување на нивната хумана пракса.
Претставниците на Црвен крст изразија искрена благодарност за одличниот одзив и ја нагласија важноста на редовното крводарителство како чин на љубов и солидарност.
СОУ Гимназија се гордее со своите ученици и вработени кои покажаа дека секоја капка крв значи живот. Оваа акција не е само настан, туку порака дека хуманоста живее во секој од нас.
Благодарност до сите кои даруваа крв и беа дел од оваа благородна акција – заедно градиме похумано и подобро општество!
