I награда за мјузиклот „Во ритамот на љубовта“

Објавено на: 04.12.2012

Од 29.11 до 2.12.2012 година, во Банско Р.Бугарија се одржа VII меѓународен фестивал на таленти „Утринска ѕвезда“.

Учениците од гимназијата „Добри Даскалов“ се претставија со мјузиклот „Во ритамот на љубовта“ и го освоија I место.

Извонредната кореографија,прекрасната музика, костимографијата го направија настапот гламурозен и совршен,а членовите на стручното жири и публиката во салата беа воодушевени од позитивната енергија на учениците и соживувањето со улогите и времето од овој мјузикл.

Секоја работа вродува плод,па така и учениците работеа два месеца со многу љубов и ентузијазам,но резултатот е видлив и на радост на сите не вброи меѓу најдобрите, кои години наназад ги освојуваме наградите на фестивалите.

Патувањето на фестивалот го овозможи Градоначалникот Александар Панов и Советот на општина Кавадарци за што учениците-учесници јавно им се заблагодаруваат.

Ова е голем успех за нашата гимназија која е на врвот во Републиката како најнаградувана на сите полиња. Директорката Невенка Поп-Ангелова максимално ги поддржува сите проекти на учениците,а со помош на Градоначалникот успешно ги реализираме и се афирмираме како училиште не само во републиката туку и надвор од неа.