Медиумски ден

Објавено на: 10.12.2018

Во организација на Високата школа за новинарство и односи со јавноста заедно со средношколскиот весник „Медиум“, на 05.12.2018 се одржа четвртиот по ред Медиумски ден за средношколците од Македонија на кој учествуваа и нашите ученици од втора година.

Учениците ги посетија просториите на радио „МОВ“, весникот „Нова Македонија“ и „ТВ 21“ запознавајќи се со важноста на новинарството и влијанието на медиумите врз секојдневниот живот на луѓето и општеството. Вработените ги запознаа учениците со историјата и целта на својот медиум како и негативните последици на лажните вести. 

Учениците имаа прилика да зборуваат на радио, да даваат интервјуа, а исто така беа и во улога на ТВ водители.

При посетата на медиумите новинарите им пренесоа љубовта кон својата професија на учениците надевајќи се дека можеби еден ден токму тие ќе станат нивни колеги.