СОУ Гимназија „Добри Даскалов“ има долга традиција во натпреварите во хорско пеење. Многубројните награди кои ги красат нејзините простории зборуваат за големиот труд, за часови напорна работа , за желба да се биде меѓу најуспешните. Секоја награда, секое признание е своја приказна, еднакво важна и секогаш поздравена, остварен сон….и копнеж да се пренесе мајсторството на генерациите кои доаѓаат.
Салата на Домот на културата„Иван Мазов-Климе“ на 24 и 25 мај 2014 година, на едно место ги собра детските и младинските хорови на републички натпревар.Секој хор се претстави пред присутните и стручното жири.
{qtube vid:=GPifrCO5Mr8}
СОУ Гимназија„Добри Даскалов“ со женскиот хор под менторство на професорот по музичка уметност Златко Смилевски настапи со одбрани музички нумери. Големата професионалност, дисциплината и владеењето на хорските техники беа обележје на овој хор.Никој од присутните не остана рамнодушен на ангелскиот глас на младите гимназијалци.Одлично сработената работа на учениците и менторот им го донесе првото место во голема конкуренција на овој републички натпревар.
Оваа награда е подеднакво значајна за хорот и училиштето затоа што е успешно продолжување на традицијата.Честитки за трудот,вербата и признанието!
{qtube vid:=HUE34hMFic4}