Нов изглед на дел од ентериерот во училиштето

Објавено на: 06.02.2017

За да се избегне едноличноста на живеењето, уметноста има задача да го внесе естетското и естетиката во нашето секојдневие.

Тргнувајќи од оваа цел, да се спротивстави на монотонијата и кичот на просторот, проф. по ликовна уметност Ванчо Кеков, изврши уметничка преобразба на дел од просторот во гимназијата. Конкретната реализација е на ентериерот во холот на оваа образовна институција. Изборот на боја и начинот на изработка му дадоа забележителен и топол изглед на просторот и го направија попријатно катче за вработените и учениците.