Обука за Дете Правобранител и неговите заменици

Објавено на: 26.03.2014

Согласно проектот „Имплементација на Конвенцијата за правата на детето во Македонија од 20 до 23 март 2014 година во Струга се одржа обука за Конвенцијата за правата на детето и специфичната улога на децата правобранители.

На обуката активно учество земаа учениците: Митко Ѓорѓиевски од 3-7 клас со функција на Дете Правобранител, Ѓорѓи Белевски ученик од 3-7 клас со функција на Заменик Дете Правобранител и Сандра Костова ученичка од 2-4 клас со функција на Заменик Дете Правобранител. Учениците беа предводени под менторство на проф. по историја Наташа Матакова.

Покрај нашето училиште на обуката учествуваа и средните училишта од градовите: Куманово, Прилеп, Дебар и Тетово.

Четирите дена беа исполнети со работилници за запознавање на целта и содржината на обуката, со историјатот, структурата и улогата на Конвенцијата за правата на детето. Се презентираа и принципите на Конвенцијата за правата на детето.

Преку најразлични вежби и симулации учесниците ги научија правата на децата кои се однесуваат на заштита, на опстанок и развој, на учество и правата на децата во образовниот процес или училиштата.

Учесниците се запознаа и со функцијата и улогата на Народниот Правобранител и Заменик Народниот Правобранител.

Учениците беа премногу задоволни од учеството во обуката, бидејќи стекнале многу нови знаења, запознале нови пријателства и научиле да интервенираат при прекршување на детските права.

Останува учениците во училиштето преку врснички презентации да ја промовираат функцијата Дете Правобранител и начинот на пријавување претставки.