На ден 06.10.2025 година во нашето училиште се одбележа Неделата на младите на Црвениот крст која традиционално се слави со цел да се поттикне хуманоста, солидарноста и активното учество на младите во заедницата.
Наши ученици кои се волонтери во Црвен крст презентираа пред своите соученици за значењето на волонтерската работа, активностите на Црвениот крст и можностите за младите да се вклучат во хуманитарни акции.
Настанот беше одлична можност учениците да се информираат, да поставуваат прашања и да се мотивираат за активно учество во заедницата, при што се поттикнува свеста за хуманост и солидарност.
Нашето училиште е гордо што има млади волонтери кои ја пренесуваат важноста на волонтерството и помагаат за подобра заедница.
