Со положување на цвеќе пред бистата на патронот Добри Даскалов и свеченост во фоајето на Гимназијата се одбележа патрониот празник на училиштето. На почеток присутните гости ги поздрави директорката на Гимназијата г-ѓа Невенка Поп-Ангелова која зборуваше за делото на патронот, за неговите познати мисли кои и денес претставуваат инспирација и мотивација за вработените и учениците, да се биде подготвен , да се постигнуваат нови применливи знаења, иновативност, квалитет на целокупниот образовен процес. Таа со особена гордост ги истакна успесите на учениците и нивните ментори во минатата учебна година.
- Мјузикл „Матуранти“ – III место на Меѓународен фестивал „Утринска Ѕвезда“ во Банско, Р.Бугарија,
- Елена Ридова – I место на Државен натпревар по Македонски јазик,
- Славе Темков – III награда на Државен натпревар по Математика,
- Училиштен оркестар – I место на Државен натпревар,
- Училиштен хор – II место на Државен натпревар.
- III место Кошарка женски на Државен натпревар,
- Ѓорѓи Илов – I место на Државен натпревар атлетика, фрлање џуле,
- Надица Петрева – III место на Државен натпревар атлетика, скок во височина,
- Анастасија Иловска – II место на Државен натпревар биологија,
- Стефанија Николова – III место на Државен натпревар биологија,
- Душица Бошева – III место на Државен натпревар „Лидер во струка“,
- III место во категорија за најдобар штанд на „Образовно рандеву“,
Програмата беше збогатена со неколку композиции од училишниот хор и оркестар музичко сценска изведба на стихови за вљубените, сегмент од театарската претстава Сон на летната ноќ.
На крајот Г-ѓа Поп-Ангелова истакна дека училиштето ги негува и традиционалните и современите вредности и успешно ја остварува својата образовна и културна мисија! Јавноста очекува и во иднина гимназијалците да го осветлат небото со топлина, знаење и храброст!
…..успехот се случува во моментот кога сте дале се од себе и продолжувате да давате се од себе…
