Проектот за Мир започнува со делување во 1990 година, по иницијатива на Училиштето „Fabio Besta“ од Тревизо, помогнато од Општината Тревизо, Министерството за образование и наука, како и од многу други училишта во Италија. Денес во овој проект партиципираат над 100 институции, со илјадници ученици. Овој проект се потпира на волонтеризам на наставници и ученици кои сакаат да соработуваат во разните иницијативи кои пропагираат Култура на Мир. Се работи за иницијативи со космополитски димензии, иницијативи за демократија, меѓукултура, единство меѓу народите, пропагирање на правата на човекот, солидарност и сл. Проектот се труди да ги ангажира младите од сите земји, а за возврат им нуди културно надградување, дружење и соработување со врсници од целиот свет, при тоа рушејќи ги сите можни бариери.

Можат да бидат покренати разни активности во следниве дисциплини: уметност, спорт, животна средина, литература, музика, религија, работа, човекови права и технологија.
Активностите ги бира училиштето врз основа на интересот на учениците. За одреден временски период се презентираат активностите пред учениците од своето училиште.