Реализирана обука на тема: Изработка на бизнис план. Почеток од нула!

Објавено на: 13.07.2018

Проф. д-р Македонка Димитрова од University American College – Скопје, во соработка со Агенцијата за поддршка на претприемништвото на Република Македонија и Уакс институтот за претприемништво и лидерски развој, на 27.06.2018 година во Кавадарци оддржа обука на тема: Изработка на бизнис план. Почеток од нула!

На оваа обука дојдоа ученици од трета година, ученици кои завршија четврта година во СОУ Гимназија Добри Даскалов, како и ученици – студенти од University American College – Скопје, вработени во одредени институции, вработени во приватен сектор итн.

На обуката присутните членови имаа можност да се запознаат меѓусебе, сите на почетокот беа поделени во парови, при што секој партнер од парот требаше убаво да го претстави својот партнер пред останатите.

Потоа се започна со обуката учениците започнаа да работат во групи. Секоја група имаше излагање за производство на свој специфичен производ, чија тема за производот беше дадена од проф. д-р Македонка.

Учениците успешно ги сработија нивните задачи, имаа убави презентации за производите. На крај сите добија сертификати за успешната обука.