На 27.02.2023 година во просториите на Europe House во Скопје се одржа Државниот натпревар за „Медиумска писменост и дезинформации“ организирано од Фондацијата Идеја – Југоисточна Европа и Види Вака. Во финалниот натпревар учествуваа ученици од осум училишта од целата држава.
Нашиот тим беше составен од 5 члена : Александра Лазова, Дијана Мишова, Ива Павловска и Марјан Чирков сите од I-5 клас и Цветанка Ристовска од I-4 клас. Ментор на учениците беше професор Богде Коцева. Од 40 натпреварувачи во големото и малото полуфинале, нашите ученици покажаа одличен успех, а ученичката Александра Лазова беше победник во финалето со најмногу освоени бодови и ја освои првата награда.
Натпреварот беше осмислен за натпревар во играње на друштвена игра наречена„Спинокио“ каде учениците требаше логички да размислуваат, поврзуваат настани и знаења, да користат креативности и познавање од медиумската писменост.
На сите ученици од тимот им се заблагодаруваме и им посакуваме успеси и во други настани, а на Александра Лазова и ја честитаме првата награда на Државно ниво.
Горди сме и среќни што учениците од новите генерации на нашата Гимназија ја продолжуваат традицијата на успеси и го задржуваат рејтингот на училиштето меѓу најдобрите во Републиката.
