Се продолжува зимскиот распуст за сите ученици

|Published on: Jan 20, 2019||

Се продолжува зимскиот распуст за сите ученици


Објавено на: 20.01.2019

Во врска со континуирано зголемените концентрации на загадувачки честички во воздухот во повеќе градови во Република Македонија, како и метеоролошките прогнози за следните денови, Владата на Република Македонија, покрај серијата мерки со кои се веќе задолжени надлежните министерства, во функција на заштита на здравјето на децата и во функција на скратување на времето на изложеност на загадениот надворешен воздух, донесе итна мерка за продолжување на траењето на зимскиот распуст.

Одлуката се однесува на сите ученици од сите јавни и приватни основни и средни училишта во Република Македонија.

Продолжување на траењето на зимскиот распуст за сите ученици ќе трае во времетраење од два дена, заклучно со вторник, 22 јануари 2019 година.

Наставата продолжува во среда на 23 јануари 2019 година.