Учество на X по ред интернационална конференација за информатика и информатичка технологија CIIT
Објавено на: 24.04.2013
Во периодот од 18-21 април 2013 година во хотел Молика – Битола, се одржа X интернационална конференција за информатика и информатичка технологија CIIT 2013 во организација на Факултетот за информатички науки и компјутерско инженерство, ФИНКИ, Универзитет „Св. Кирил и Методиј“ Скопје и Здружението на информатичари на Македонија. Конференцијата традиционално се одржува секоја година.
На конференцијата свои трудови, иновативни идеи и резултати од истражувања презентираа повеќе домашни и странски истражувачи и експерти со цел истакнување на можностите и придобивките од развивањето на информатичката технологија.
Директорката на гимназијата Невенка Поп-Ангелова, професорот по информатика Зоран Милевски и проф. д-р Зоран Здравев од Универзитет „Гоце Делчев“ Штип, презентираа труд со наслов „Ефективност во користење на е-учење Moodle во образовниот процес“, во кој го истакнаа процесот на воведување на електронското учење Moodle во гимназијата „Добри Даскалов“ и ги посочија предностите и препреките со кои се соочиле при нивното имплементирање.
Оваа година акцентот се стави на здружување на индустријата и академските експерти во презентирање на проекти и дискусии за релевантни истражувачки и развојни проекти. Листата на теми за CIIT2013 ги вклучуваше следните области:
- еКомерција, еБизнис, еУчење
- Вештачка интелегенција
- Мултимедија и дигитализација
- Компјутерски мрежи
- Компјутерски архитектури и паралелно процесирање
- Дистрибуирани системи, GRID и Clоud пресметувања
- Бежични и мобилни пресметувања
- Безбедност и криптографија
- Сигнални процесирања
- Теоретски основи на информатиката
На официјалниот сајт на CIIT 2013 можете да погледнете листа од сите трудови и организатори на конференцијата.
