„Градиме мостови“-проект кој отвора можности за нови пријателства

Објавено на: 06.05.2014

Подавајќи ја раката на пријателство и соработка учениците од СОУ Гимназија„Добри Даскалов“од Кавадарци и СГГУ „Здравко Цветковски“ од Скопје на 29 и 30 мај 2014 година ќе учествуваат во проектот „Градиме мостови“.

Гимназија„Добри Даскалов“ аплицираше на отворениот конкурс „Градиме мостови“ и апликацијата е одобрена од страна на организаторот. Локацијата каде што„ќе се градат мостови“ е летувалиштето Михајлово, кое ширум ќе ги отвори своите врати за учениците и наставниците од двете училишта. Учесниците во овој проект ќе имаат можност да уживаат во совршената природа и да совладат заедничка активност-логорување. Целта на оваа активност е меѓуетничка интеграција на ученици од македонска и албанска вероисповед.

Гимназија „Добри Даскалов“ искрено се надева дека учеството во еден ваков проект ќе биде драгоцено искуство за учениците и наставниците и дека пријателството и соработката меѓу двете училишта ќе биде само почеток на заедничко дружење и запознавање на македонската и албанската култура.