Учество на натпреварот „Ноември- месец на физичари“

Објавено на: 28.11.2016

Од 18.11.2016 до 20.11.2016 година во Скопје за прв пат се одржа натпреварот „Ноември- месец на физичари“ во чии рамки се одржа и XVI Школа за млади физичари. Настанот беше организиран од Природно-математичкиот факултет, Институт за физика . Нашето училиште активно учествуваше на овој настан со 28 ученици од I ,II ,III и IV година по предметите биологија и хемија.

Учениците се вклучија активно во тест натпреварот кој беше одржан на 19.11.2016 година на Природно- математичкиот факултет, а додека учениците кои имаа изработено модели, изведуваа експерименти и демонстрации , активностите беа реализирани во City Mall во Скопје.

Сите учесници на овој настан од нашето училиште се здобија со сертификати за активно учество на натпреварот.

Учениците кои се натпреваруваа по хемија под менторство на проф. Магдалена Убавкова и проф. Даница Пецова добија пофалници и тоа : за тест натпревар Делов Теодор од III- 2, за експеримент Милан Ангелов II- 1, Павлинка Ташева II-4, Надица Туриманџова II-4 , Македонка Пецова III-4, Ана Точкова I-5 и Пане Иванова I-4 .

Учениците по биологија се здобија со пофалници за успешен модел : Ангела Анѓелова и Бојан Ристов од III-5 под менторство на проф. Богде Коцева и Александра Кадрова и Цветанка Ташева од II- 4 под менторство на проф. Елизабета Иговска. Исто така пофалници за демонстрација добија Даринка Костадинова IV-3, Ангела Ридова IV- 1 и Ружди Ќесаи од II-5 под менторство на проф. Елизабета Иговска.

Нашите ученици уште еднаш покажаа дека активно се вклучуваат во сите активности и покажуваат одлични резултати. Им посакуваме и понатаму многу успех и награди.