Посета на нотарска канцеларија во рамките на предметот Практична настава

Објавено на: 20.03.2018

На ден 19.03.2018 год, учениците од клас II-7, при СОУ “Гимназија Добри Даскалов” од Кавадарци, во рамките на наставните часови по наставниот предмет “Практична Настава” со предметниот наставник Татјана Ралевска ја посетија Нотарската канцеларија на Нотарот Пане Нацев – Нотар овластен за подрачјето на Општина Кавадарци. Нотарот детално ги запозна учениците за работите поврзани со нотаријатот, неговите овластувања како и за дел од дејствијата кои се преземаат во оставинската постапка. После добиените информации, учениците знаењето го дополнија со разгледување на нотарски акти, договори и други нотарски списи.