Ученици од нашата гимназија земаа учество на Државниот натпревар по информатика

Објавено на: 25.03.2018

Во организација на Здружението на информатичари на Македонија на 24 март 2018 год. се одржа XXIX Државен натпревар по информатика во просториите на Факултетот за информатички науки и компјутерско инженерство – ФИНКИ, при Универзтитет „Св. Кирил и Методиј“  во Скопје. На натпреварот учествува 80 ученици од основните училишта во категоријата информатичко размислување,  20 ученици од основните училишта во категоријата програмирање и 110 ученици од средните училишта, од кои од најдобрите понатаму ќе ја претставуваат Македонија на натпреварите на меѓународно ниво.

Од нашето училиште на Државниот натпревар според освоените поени од претходните натпревари беа поканети да учествуваат двајца ученици и тоа Милан Ангелов III-1 клас, под менторство на проф. по информатика м-р Зоран Милевски и Блаже Бањански I-2 клас, под менторство на проф. по информатика Андосија Ристова. И двајцата ученици освоија пофалба за успешно учество.

Настанот го отвори претседателот на ЗИМ проф. д-р Миле Јованов кој што истакна дека во последните неколку години конкуренцијата на овие натпревари по информатика е се поголема и за тоа дека натпреварувачите успешно ја претставуваат нашата земја на интернационалните натпревари.

Во рамките на натпреварот се организира и работилница на тема „Новости во наставните програми по информатика“, презентација на можностите за студирање на надарените ученици на ФИНКИ и Научно предавање во амфитеатарот на ФИНКИ.