Последни настани

По повод 50 -годишниот јубилеј од постоењето на ПСД „Орле“ од Кавадарци и оваа година беше организирана традиционално искачување на врвот Орле. Акцијата беше реализирана на 18. декември, со почеток во 7 часот.

Во четвртокот (15. XII 2011 г.) во 19.00 часот, се одржа премиерата на театарската претстава „Коштана“ од Борисав Станковиќ, во Домот на културата „Иван Мазов-Климе“ во Кавадарци.

Кон крајот на месец ноември и почетокот на декември во нашата гимназија се одржа семинар наменет за професорите на тема „Примена на стандардите за оценување на учениците“. Семинарот се одржа во две фази по два дена, а дисеминатори беа проф. Гордана Еленова и проф. Славе Попов.  

Учениците од француската секција во Гимназијата „Добри Даскалов“, под раководство на професорката по француски јазик Светлана Несторова – Мицев имаа впечатлив настап на  изложбата „96 години од една француска мисија во Тиквешијата“. Како дел од уметничката програма учениците имаа подготвено француски шансони и поезија од познати француски поети. Со својот настап тие оставија особен впечаток

Во Банско, Република Бугарија од 17 до 21 ноември се одржа IV Меѓународен фестивал на таленти „Утринска ѕвезда“. Учениците од Гимназијата „Добри Даскалов“ се претставија со театарската претстава „Коштана“ од Борисав Станковиќ и го освоија II место. Со специјална награда за најуспешно актерско остварување се закити ученичката Благица Ѓорѓиева која го толкуваше главниот лик Коштана.

На 10 ноември 2011 година, во нашето училиште со пригодна програма свечено и достоинствено беше одбележан патрониот празник.

Обединета Европа некогаш беше сон на Виктор Иго и на многу светски докажани филозофи , а сега е реалност кон која се стреми и Р.Македонија . Денот на граѓанската правда во Европа се слави од 2003 год., додека кај нас годинава вторпат се одбележа, со отворање на вратите на судовите и другите правосудни институции за

Од оваа учебна година во нашето училиште се спроведува проектот „Заштита на правата на децата во училиштата“. Овој проектот е дел од поширокиот проект „Имплементација на конвенцијата за правата на детето во Македонија“ на Коалиција на младински организации СЕГА, подржан од детската фондација Песталоци.

Во рамките на Годишната програма на СОУ Гимназија „Добри Даскалов“, за учениците од прва година во оваа учебна година се испланирани две еднодневни екскурзии (есенска и пролетна). Екскурзиите се со воспино-образовен и рекреативен карактер, според однапред изготвен акционен план за организирање и реализирање на ученички екскурзии. Под мотото „Откриј ги историските вредности и природните убавини