Градиме мостови

Објавено на: 13.11.2014

На 1 Ноември 2014 г. во Универзална Сала, Скопје учесниците од проектот Градиме мостови се претставија со песни, театарски претстави и танцување и заедно со Тони Зен и Ребека ја исполнија Универзална Сала со забава и детска смеа. Проектот е реализиран од Министерството за образование и наука, Швајцарската амбасада и ОБСЕ. Преку овој проект е предвидено поттикнување на поголема сорабтка и зближување на учениците од училиштата во кои наставата се следи на различни наставни јазици. Во рамки на „Градиме мостови“ се реализираа работилници, меѓуетнички спортски натпревари, забави како и разни други активности. Музичките ѕвезди Тони Зен, Аделина Тахири и Ребека се дел од Советодавниот одбор на овој фонд.