Во последните девет години, нашата Гимназија, под менторство на професорите Даница Максимоска и Блаже Јованов, традиционално организира шаховско првенство. Првенството се одржува во првата половина на месец април и истото предизвикува масовен интерес кај
учениците љубители на овој мисловен спорт, а еуфоријата во училиштето е присутна долго пред почетокот на натпреварите. Бројот од околу седумдесет учесници овозможува неизвесни борби до самиот крај, а можноста на победниците да се пласираат на државниот турнир и дипломите кои се доделуваат претставуваат дополнителен поттик. Секоја година системот на играње е различен, а судиите кои се ученици, работат под целосен надзор од страна на менторите. Целта е комплетно да се постигне фер-плеј и да се најде вистинскиот победник.
На последното шаховско првенство, одржано во учебната 2008/09 првото, второто и третото место ги зазедоа:
-Толовски Кирил
-Николовски Дејан
-Тодор Митрев
Ученикот Панов Душко, победник на претходното училишното првенство кој исто така учествуваше и на Државниот турнир, се закити со сребрен медал на истиот. Во разговор со него, дознавме дека се заинтересирал за шахот од своја најрана возраст и учествувал на повеќе регионални и државни натпревари, на кои исто така остварил успешно учество. Задоволен е со својот постигнат успех на Државниот турнир, но вели дека би можел да постигне и повеќе. Своите постигнати успеси изјавува дека му ги должи на својот тренер Трајче Недев, велемајстор. Искрено им се заблагодарува на менторите Даница Максимоска и Блаже Јованов заради можноста да учествува на државниот турнир.
Оваа 2010 година, шаховското првенство во Гимназијата беше свечено оворено на 15. април (четврток). Се надеваме дека успехот на овој ученик ќе ги поттикне и останатите ученици да земаат учество на ова првенство и да се обидат да постигнат успеси кои ќе бидат гордост како за нив така и за училиштето. На менторите им се восхитуваме заради нивниот неуморен натпреварувачки дух и се надеваме дека истиот ќе продолжи уште долго време.
