Втора работилница од проектот „Млади репортери за животна средина“
Објавено на: 25.06.2018
На 21,22 и 23.05.2018 година во Отешево се одржа втората работилница од Проектот „Млади репортери за животна средина“ на која учествуваа учениците од нашата Гимназија. Целта на проектот е да ги вклучи младите во општествениот живот преку лично ангажирање за одредени теми поврзани со одржливиот развој и заштитата на животната средина во нивните заедници.
На работилницата учествуваа 20 ученици и 4 ментори од 4 училишта од Македонија. Покрај нашите ученици, учество зедоа и учениците од Скопје, Берово и Гостивар.
Од нашата гимназија учениците беа од втора година и тоа: Костадинка Габева и Лилјана Чукаркова од II-1, Ана Илова II-2, Дијана Андова II-4 и Виктор Чучага II-5 клас, под менторство на Богде Коцева професор по биологија.
Учениците на предходната работилница која беше одржана во Скопје, во хотел „Континентал“ добија задачи да истражуваат, да анализираат и собираат податоци од различни теми. Темата на која работеа нашите ученици беше „Како да се обезбеди здрав живот и да се промовира благосостојба кај сите од секоја возраст?“
Целиот матерјал кој го собраа учениците, го средуваа во новинарски статии и документарни кратки филмови на самата работилница. Покрај активностите околу проектот, учесниците се запознаа меѓу себе, си ги споделуваа своите знаења и прекрасно се дружеа. Крајните производи од самиот проект, односно документарните кратки филмови ги поставија на некои портали од социјалните мрежи.
На учесниците им се заблагодаруваме за активностите и задачите кои совесно и одлично ги завршија, а на организаторите на проектот , граѓанското здружение ОХО им благодариме за организирањето и иницијативата за вакви работилници .
