Чествување на патрониот празник
Објавено на: 15.11.2011
На 10 ноември 2011 година, во нашето училиште со пригодна програма свечено и достоинствено беше одбележан патрониот празник.
Гордо и доствоинствено, Директорката Невенка Поп-Ангелова, учениците, наставниците и останатите вработени во училиштето срдечно ги пречекаа поканетите гости, меѓу кои беа градоначалникот г. Александар Панов, поблиските членови од семејството на Добри Даскалов, претставници од сите училишта и културни институции во градот итн.
Училишниот хор ја изведе Химната на Македонија, под диригенство на Златко Смилевски, проф. по музичка уметност.
Директорката ги поздрави сите присутни со пригоден говор, осврнувајќи се кон животот и делото на Добри Даскалов, а потоа говореше за многубројните успеси на учениците и наставниците. Го соопшти големиот успех постигнат во текот на претходната учебна година, потоа ги пофали наградените и успешни ученици за кои нагласи дека ќе следува наградно патување, а на крај ги соопшти и новите проекти во училиштето.
Во аулата на училиштето беше положено свежо цвеќе пред бистата на Патронот, по што следуваше кратка презентација за животот и делото на Добри Даскалов, при што присутните му оддадоа голема почит на Патронот.
Во уметничкиот дел од Програмата беше изведен мал дел од драмата „Коштана“, во изведба на ученици од Гимназијата, со којашто ќе се претстават и на Меѓународниот натпревар на таленти во Бугарија, под менторство на Кочо Кочов, проф. по македонски јазик и литература.
Програмата заврши со прогласување на победниците на Конкурсот за уметничка фотографија, потоа следуваше еко трпеза и пригоден коктел.
На спортските терени на гимназијата се одржа првиот натпревар од Класното првенство на училиштето за оваа учебна година. Првенството го прогласи за отворено градоначалникот г. Александар Панов, со првиот шут на топката. На теренот следуваше фудбалски натпревар каде силите ги одмерија ученици од втора и трета година.
И годинава содржините од свечената програма беа квалитетно и вешто осмислени и прекрасно и успешно реализирани. Тоа говори дека нашето училиште продолжува упорно и полно со самодоверба да се претставува како една од најдобрите гимназии во Република Македонија.
Повеќе фотографии во Галерија или директно тука
