Избран претседател на Младинската/Ученичка организација

Објавено на: 21.10.2016

На ден 20.10.2016 година (четврток) во училишната кино сала се одржа Втората седница на Училишната /Младинска организација со Дневен ред:  избор на претседател и заменик претседател на Младинската/Ученичка организација за учебната 2016/2017 година.

По упатениот  Повик на Првата конститутивна седница на Младинската/Ученичка организација за избор на претседател заклучно со 19.10.2016 година (среда) за претседател на Младинската/Ученичка организација аплицираа  пет кандидати: Росана Милкова, Милица Јованова, Дајана Димова, Пане Белевски и Владо Димовски. Учениците се претставија пред присутните со програма за работа на Младинската/Ученичка организација и ги истакнаа причините кои ги мотивирале да аплицираат за оваа функција. По извршениот избор преку тајно гласање за претседател на Училишната /Младинска организација во учебната 2016/2017 година беше избрана ученичката Росана Милкова, а  за заменик претседател беше избрана ученичката Милица Јованова.

    

   

Седницата ја водеше ученичката Александра Кадрова, а присуствуваа претседателите и заменици претседатели на класовите, училишниот педагог, психолог и одговорниот наставник Наташа Матакова.