Подготовка за нова интеркултурна размена во Швајцарија со ученици од нашето училиште

Објавено на: 03.12.2018

Со претстојното едукативно патување на нашите 8 ученици од Гимназијата „Добри Даскалов“ и супервизор од нашето училиште професорот по информатика Зоран Милевски во Троген – Швајцарија како интеркултурна размена во рамките на проектот „Имплементација на Конвенцијата на правата на детето во Македонија“, нашето училиште по 6ти пат ќе учествува на овој проект, а досега успешно имаат учестувано 9 групи на ученици.

За време на двонеделниот престој учениците учествуваат на работилници каде стекнуваат нови знаења. Покрај тоа тие се збогатуваат и со работни навики и самостојност со цел да можат да имаат организиран начин на живот. Секоја година интересот кај учениците е се поголем, а оние кои се избрани подоцна ги споделуваат своите искуства и впечатоци. Овие проекти се од особена важност за развивање на нови пријателства и вештини, ценење на природните убавини, како и осознавање и истражување на другите култури.

Се надеваме дека во иднина и нашиот град ќе може да спроведе иницијатива за остварување на слични работилници со цел на интересен начин да се развијат позитивни особености и навики со кои младите ќе можат да успеваат во животот.

На избраните ученици им посакуваме пријатен и успешен престој во Швајцарија.

Во продолжение се неколку линкови од досегашните размени и фотографии.

Избрани учениците кои ќе патуваат во Троген

Ученици од Гимназијата во Троген – Швајцарија

Се вратија учениците од Троген

Ученици од нашето училиште учесници на интеркултурната размена во Троген, Швајцарија

Пренесено знаењето и искуството стекнато на интеркултурната размена во Троген, Швајцарија