Гимназијалци и оваа година освоија светски признати Microsoft Office Specialist сертификати


Објавено на: 20.05.2018

Ученици од гимназијата Добри Даскалов и оваа година земаа учество на светскиот натпревар Microsoft Office Specialist, организиран од Certiport Inc. Овој натпревар претставува глобален натпревар кој ги тестира вештините на учесниците во Microsoft Word®, Excel® и PowerPoint® од MS Office 2013 или MS Office 2016. Со учество на овој натпревар учениците добија одлична прилика да ги покажат своите вештини, да се забавуваат и имаат можност да ја претставуваат Македонија во светот и да стекнат големо признание.

Светскиот натпревар за Microsoft Office Specialist се оддржува 15 години по ред, секоја година во САД. Оваа година ќе се оддржи во Орландо, Флорида, САД.

Од нашето училиште под менторство на проф. по информатика м-р Зоран Милевски, учествуваа учениците Страше Наумов IV-1, Теодор Делов IV-2 и Владо Димовски IV-3. Овие ученици полагаа квалификациски натпревар и успешно го положија со што добија можност бесплатно да се натпреваруваат за официјален Microsoft Office Specialist сертификат.

На 15 мај 2018 во просториите на Certiport во Скопје полагаа официјален испит, а ученикот Страше Наумов IV-1 постигна одлични резултати и се стекна со светски признат Microsoft Office Specialist сертификат.

MOS 2018